Uppskeruhátíð barna og unglinga í Fáki verður haldin nk. miðvikudagskvöld kl. 18:00
Margt skemmtilegt verður gert, skemmtikraftur kemur í heimsókn, verðlaunaveitingar, pizza og gos í boði Fáks, leikir ofl.
Allir að mæta og hafa gaman saman og að sjálfssögðu allt frítt.
Hestadagar í Reykjavík er samvinnuverkefni LH, Höfuðborgarstofu, Íslandsstofu, Icelandair Group og hestamannafélaganna á stórhöfuðborgarsvæðinu og verða haldnir dagana 29. mars – 1. apríl næstkomandi.
Dagskráin verður með fjölbreyttu sniði þetta árið. Fimmtudag og föstudag verður farið í reiðtúra, borðuð kjötsúpa, horft á tískusýningu, hrossaræktarbú heimsótt og horft á flotta gæðinga á lokakvöldi Meistaradeildar í hestaíþróttum í Ölfushöll.
Eins og í fyrra verður farin skrúðreið á laugardeginum 31. mars og að þessu sinni verður farinn hringur í miðbænum. Í ráðhúsi Reykjavíkur verður eitthvað hestatengt í boði allan daginn, söngur, fræðsla og gaman. Um kvöldið endum við svo á að horfa á flottustu töltara landsins á skautasvellinu í Laugardal: „Ístölt – þeir allra sterkustu“.
Sunnudagurinn er tileinkaður æskunni. Sýningin Æskan og hesturinn er fjölskylduhátíð í Reiðhöllinni í Víðidal sem öll hestamannafélögin á stórhöfuðborgarsvæðinu standa að. Haldnar verða tvær sýningar á sunnudeginum 1.apríl. Sýning þessi hefur alltaf verið gríðarlega vinsæl og þar má sjá framtíðarknapa Íslands leika listir sínar með fákum sínum.
Endanleg dagskrá og nánari upplýsingar um Hestadaga í Reykjavík verður birt á næstu dögum inni á www.icelandichorsefestival.is
Viðburður sem engin áhugamaður um íslenska hestinn ætti að missa af!
Begga og Sveinn Atli hafa náð þeim stórmerka áfanga að vera í þriðja sæti ferðavefsíðunnar Tripadvisor yfir hluti sem mælt er með að gera í allri Evrópu. Váááá það eru mikil meðmæli og má lesa meira um þetta á visir.is á slóðinni http://www.visir.is/islenski-hesturinn-a-toppnum/article/2012701259981
Til hamingju með að vera flottust og auglýsa íslenska hestinn fyrir okkur öll.
Fyrirhuguðum fyrirlestri Ingimars Sveinssyni í félagsheimili Fáks í kvöld frestast til 9. febr. vegna óviðráðanlegra orsaka.
Endilega takið 9. febrúar frá og mætið á mjög fróðlegan fyrirlestur því Ingimar er mikill viskubrunnur er kemur að öllu í sambandi við hesta.
Eins og undanfari ár þá verður Reiðhöllin lokuð á þriðjudögum frá kl. 15:00 - 22:00 vegna námskeiðahalds. Opnunartíminn um helgar verður lengdur en sunnudagstíminn eykst ekki fyrr en fyrsta sunnudaginn í febrúar (næsta sunnudag er opið til kl. 16:00).
Opnunartími Reiðhallarinnar í Víðidal
Virka daga:
9:00 - 14:00 fyrir korthafa.
14:00 - 22:00 fyrir skuldlausa Fáksfélaga. Stefnt er að því að hafa alltaf opið í fremri salnum fyrir almennan reiðmann. En þó eru alltaf einhverjar undantekningar og logar þá rautt ljós þegar salurinn er lokaður.
Lokað er á þriðjudögum frá kl. 15:00 til 22:00 því þá eru tvöföld reiðnámskeið í gangi.
Um helgar er opið:
Laugardaga: frá kl: 13:00 - 17:30
Á laugardagsmorgnum eru reiðnámskeið.
Sunnudaga: frá kl. 13:00 - 17:30
Þar sem ekki er hægt að gefa nákvæmari tímasetningar varðandi opnunartíma reiðhallarinnar, þá er um að gera að fylgjast með ljósunum við aðkomudyrnar því grænt ljós logar þegar Reiðhöllin er opin fyrir alla – en rautt ljós þegar hún er upptekin.
Lausir hundar eru ekki leyfðir í Reiðhöllinni - vinsamlega takið tillit til þess.
Rekstrarnefnd reiðhallarinnar
Ingimar Sveinsson flytur fyrirlestur um meðferð og fóðrun hrossa í Félagsheimili Fáks miðvikudaginn þann 25.janúar 2012. Fyrirlesturinn byrjar kl. 20:00 - 22:00
Frítt inn og allir velkomnir. Kaffi í boði hússins.
Fræðslunefnd Fáks
Fákur auglýsir járninganámskeið bæði fyrir byrjendur og vana járningamenn.
Kennt er helgina 27. - 29. janúar í anddyrinu í suðurenda Reiðhallarinnar í
Víðidal. Námskeiðinu er skipt upp í 2 hópa (byrjendur og vanir), 12 klst
fyrir hvorn hóp.
Námskeiðið byrjar með bóklegum tíma í Reiðhöllinni í Víðidal, í stóra anddyrinu,
föstudaginn 27. jan kl. 18:00 - 22:00. Bóklegi tíminn er sameiginlegur fyrir
báða hópana. Fákur býður þátttakendum upp á pizzu á föstudagskvöldinu.
Á laugardeginum og sunnudeginum er kennt frá 9:00 til 13:00 fyrir byrjendur
og frá kl. 14:00 til 18:00 fyrir vana. Hámark er 6 í hóp. Verð kr.
20.000.
Skráning á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. og skal greiða námskeiðsgjald á skrifstofu Fáks
Fræðslunefnd Fáks
Knapamerkjanámskeiðin eru komin á fullt og önnur námskeið að byrja fljótlega eða skráning stendur yfir.
Knapamerkjanámskeiðin eru byrjuð og er fullt á þau en tekið er á móti skráningu á biðlista og um leið og næg þátttaka næst, verður skellt á námskeiði (ef tími er tiltækur í reiðhöllinni).
Biðlisti er komin á keppnisnámskeiði en á það fara tæplega 40 og kennarar eru Árni Björn og Sylvía.
Helgarnámskeiðið með Þorvaldi Árna, í byrjun mars, er einnig fullbókað en tekið verður við umsóknum á biðlista.
Ennþá er verið að taka á móti skráningum á barna og unglinanámskeiðin en þau hefjast fljótlega í febrúar og eru á sunnudögum.
Ennþá vantar fleiri skráningar á almennu reiðnámskeiðin hjá fullorðnum og þarf að fresta þeim alla vega um viku en vonandi koma nokkrir í viðbót og þá er hægt að hefja þau.
Síða 1 af 41
